Onyń jolda júrgenine bir jarym jyldaı bolypty. Astana qalasynda ótip jatqan EKSPO-2017 halyqaralyq mamandandyrylǵan kórmesinen úlken áser alypty.
Byltyr aqpan aıynda Tbılısıden velosıpedpen uzaq saparǵa attanǵan saıahatshy 850 kúnniń ishinde 50 eldiń shekarasyn basyp ótip, 50 myń shaqyrymdy artqa tastapty. Kúnine 100 shaqyrym qashyqtyqty erkin eńserip otyrǵan onyń endigi oıy – Gınnesstiń rekordtar kitabyna ený. Rekordtar kitabyn 14 ret jańartqan qandasy Djýmber Lejavanyń 264 myń shaqyrym qashyqtyqty baǵyndyrǵanyn, kóp jyl boıy onyń menedjeri bolǵanyn maqtan etedi.
«Álem joly» atty kontınentaralyq saıahat marshrýtyn búginde ózi jalǵastyryp, ustaz amanatyn adal oryndap keledi. Aıaq sýytyp, damyldaǵan sátterde sol eldiń, halyqtyń tarıhyn, mádenıetin, salt-dástúrin bilmekke qumar. Qaı jaǵynan bolsyn Qazaqstannan úırenetin taǵylymdar, kókirekke túıetin oralymdy oılar kóp, deıdi.
Aldaǵy baǵyty – Reseıdiń Omby, Qorǵan, Túmen oblystary. Ony alda uzaq jolsapar kútip tur. 2018 jyly ǵana týǵan jermen, otbasymen qaýyshatyn kórinedi.
О́mir Esqalı,
«Egemen Qazaqstan»
